SU-ZI AS止鼻鼾快眠枕(AS Pillow) VS SU-ZI 第二代 新SS快眠枕(AS Pillow 2)

呢2款枕頭可以講係現時網路上比較多人討論既枕頭,2款都係屬於同一間公司出品,日本設計,中國製造,2款質料係用左記憶海綿

先講講2款枕頭的特點

SU-ZI AS止鼻鼾快眠枕(AS Pillow)

如果平時有訓開頸部有承托既枕頭就會好快習慣,佢比傳統頸部有承托既枕頭多左一種包覆感,訓得更加有安全感😂

平訓,側訓都可以,高度亦算適中,如果身型比較大的男士會感覺佢不太夠高,即是頸部位置未必會有強烈的承托感覺,可能需要新款 快眠枕 AS Pillow 2比較合適。

正常人請選擇高枕,低枕實在屬於好低😂第一下訓落去個感覺直頭係以為訓緊床褥,如果唔係訓開好矮既枕頭真係唔好揀,特別係男士一定唔可以揀 。

另外最重要就係改善睡眠質素同埋有無減少到鼻鼾問題啦!!!
首先頭果2晚訓係有小小唔習慣既,就算自己平時係訓開頸部有承托既枕頭。但只係開頭入睡時間需要長小小,之後都無太大影響。
第三晚開始係容易左入睡,而中間都無試過醒,鼻鼾聲聽番其他人講係會有的,但大概改善左80%,我自己就覺得算係唔錯,至少各方面都有改善,而最重要係個枕頭都真係幾好訓😂唯一最麻煩係枕頭套,要建議用個大小小size既套。

舒適度:💤💤💤💤
包覆感:💤💤💤
承托力:💤💤💤

 

SU-ZI 第二代 新SS快眠枕(AS Pillow 2)

第二代無論係形狀,尺寸,厚度上都有改變,望上去感覺只係厚左同埋大舊左。但訓上去明顯感覺得到比第一代更有承托力,但女士訓上去有可能覺得比較高,因為佢2邊專登做厚身左,令到平訓時頭部更加唔會移位。

新SS快眠枕(AS Pillow 2) 係內膽質料都有改善到,今次加入左活性炭去做呢個記憶海綿,令到枕頭都能夠有消臭既能力!
第二就係枕頭入面仲附有一張1cm高的增高墊,如果女士用的話可以拎走塊墊,男士就當然唔洗拎走啦!佢令枕頭高身左,更加貼合頸部,舒服好多!

呢個枕頭最好既地方係第一次訓都已經好好訓,無好似第一代咁需要2日適應,可能因為真係感覺比較貼身,令到訓果陣更加有安全感,所以容易入睡左。鼻鼾改善情況亦都係同訓第一代時差不多。

舒適度:💤💤💤💤💤
包覆感:💤💤💤💤
承托力:💤💤💤💤

 (以上只屬個人感受,並不代表產品對每個人都有相同的感覺或體驗)

 

[time] 分鐘前, 在 [location]
You have successfully subscribed!
ico-collapse
0
最近瀏覽
ic-cross-line-top
Top
ic-expand
ic-cross-line-top